ЭРҮҮЛ МЭНДИЙН БАЙГУУЛЛАГЫН МАГАДЛАН ИТГЭМЖЛЭЛИЙН ШИНЖЭЭЧ СОНГОН ШАЛГАРУУЛНА

Эрүүл мэндийн сайдын 2023 оны “Эрүүл мэндийн байгууллагын магадлан итгэмжлэлийн шинжээч сонгон шалгаруулах, ажиллуулах, хяналт-шинжилгээ, үнэлгээ хийх журам шинэчлэн батлах тухай” А/412 дугаар тушаалын 2 дугаар хэсгийн 2.2, 2.3, 2.4 дэх заалтын дагуу Эрүүл мэндийн байгууллагын магадлан итгэмжлэлийн орон тооны бус шинжээчийг дараах мэргэшлийн чиглэлээр сонгон шалгаруулалтад урьж байна.

• Эрүүл мэндийн удирдлага
• Дотрын анагаах судлал
• Мэдрэл судлал
• Мэс засал судлал
• Уламжлалт анагаах ухаан судлал
• Гэмтэл согог судлал
• Сэргээн засах судлал
• Эх барих, эмэгтэйчүүд судлал
• Нүд судлал
• Эрчимт эмчилгээ, мэдээгүйжүүлэг судлал
• Яаралтай тусламж судлал
• Арьс судлал
• Эмнэлзүйн лаборатори судлал
• Дүрс оношилгоо судлал
• Клиник эм зүй судлал
• Эмнэлгийн тоног төхөөрөмжийн инженер
• Хавдар судлал
• Нүүр амны эмчилгээ судлал
• Эрүүл ахуйч, тархвар судлаач

Тавигдах шаардлага:

1.  Монгол Улсын иргэн байх;
2.  Насны дээд хязгаар 65 нас;
3.  Анагаах ухаан, нийгмийн эрүүл мэнд, эмнэлгийн тоног төхөөрөмж болон бусад шаардлагатай чиглэлээр дээд боловсрол эзэмшсэн;
4. Мэргэшлийн зэрэг эсхүл эрдмийн цолтой;
5. Эрүүл мэндийн байгууллагад 10-аас доошгүй жил, үүнээс тасаг, нэгжийн эрхлэгч болон түүнээс дээш удирдах албан тушаал эрхэлсэн ба эрүүл мэндийн тусламж, үйлчилгээний чанар, аюулгүй байдлын чиглэлээр 3-аас доошгүй жил ажилласан туршлагатай байх;
6. Эрүүл мэндийн удирдлага, тусламж, үйлчилгээний чанар аюулгүй байдлын чиглэлээр гадаад, дотоодод урт, богино хугацааны сургалтад хамрагдаж байсан,  судалгаа, шинжилгээний ажил хийж байсан туршлагатай байх;
7. Эрүүл мэндийн байгууллагын үйл ажиллагаанд үнэлгээ, дүгнэлт өгөх, багаар ажиллах чадвартай байх;
8. Бичиг баримт боловсруулах, тайлагнах ур чадвартай байх;
9. Компьютерийн өргөн хэрэглээний програм болон цахим орчинд ажиллах чадвартай байх;
10. Эрүүл мэндийн байгууллагад дарга/захирал, төлөөлөн удирдах зөвлөлийн даргын албан тушаал эрхэлдэггүй байх;
11. Ёс зүйн зөрчил гаргаж байгаагүй;
12. Авлига, ашиг сонирхлын зөрчилгүй, гэмт хэрэгт холбогдож байгаагүй;
13.  Эрүүл мэндийн байгууллагын тусгай зөвшөөрөл, эмнэл зүйн шинжээчээр давхар ажиллаагүй байх;

Бүрдүүлэх материал:

1. Хувийн өргөдөл;
2. Төрийн албан хаагчийн анкет;
3. 3. Иргэний үнэмлэхний хуулбар;
4.  Дээд боловсролын диплом, мэргэшлийн үнэмлэх, удирдлагын сургалтын гэрчилгээ, судалгаа, шинжилгээний ажил, эрдмийн цол болон мэргэшлийн зэргийн нотлох баримтын хуулбар;
5. Ашиг сонирхлын зөрчилгүй гэдгээ батлагдсан маягтаар илэрхийлсэн мэдэгдэл (Улсын Их Хурлын Хууль зүйн байнгын хорооны 2012 оны 5 дугаар тогтоолын 4 дүгээр хавсралтаар батлагдсан маягт);
6. 3х4 хэмжээтэй 2 хувь зураг;
7.  Ёс зүйн салбар хорооны тодорхойлолт;
8.  Эрүүл мэндийн байгууллагад ажилладаг нэр дэвшигч нь тухайн харъяалах байгууллагын удирдлагаас шинжээчээр ажиллахыг зөвшөөрсөн болон ур чадварыг тодорхойлсон албан бичиг

Шинжээчээр нэр дэвшигч нь тус журмын 2.3; 2.4-т заасан шаардлагыг бүрэн хангасан тохиолдолд ажлын албанаас ярилцлага, ур чадварын үнэлгээг зохион байгуулна.

Материалыг ЭМХТ-ийн төв байрны 105 тоот болон radnaa@hdc.gov.mn цахим хуудсаар ирүүлнэ үү, 

Холбоо барих утас: 99167267, 98132485

Материал авах хугацаа: 2024 оны 05 сарын 01-ны өдөр хүртэл