ТӨГСӨЛТИЙН ДАРААХ ҮНДСЭН МЭРГЭШЛИЙН СУРГАЛТЫН 2023-2024 ОНЫ ХИЧЭЭЛИЙН ЖИЛИЙН ЭЛСЭЛТИЙН ШАЛГАЛТЫН БҮРТГЭЛ ЭХЭЛЛЭЭ

Бүртгэх хугацаа:

2023 оны 08 дугаар сарын 17-ноос 09 дүгээр сарын 11-ний 11 цаг 00 минут хүртэл үргэлжилнэ.  

Бүртгүүлэх заавар:

• Бүртгэл нь Эрүүл мэндийн ажилтны нэгдсэн бүртгэлийн сан https://hr.hdc.gov.mn цахим программаар явагдана /Тусламж хэсгээс заавартай танилцаарай/.
• Миний мэдээлэл хэсгийн Ерөнхий мэдээлэл, Мэргэжил хэсгийг бөглөнө /бүртгэлд Yahoo и-мэйл хаяг ашиглахгүйг анхаарна уу/.
• Та https://hr.hdc.gov.mn системийн Зарлал – Шалгалтын зар – Үндсэн мэргэшлийн элсэлт сонголтыг дарахад элсэлт авах мэргэшлийн чиглэлүүд гарч ирнэ.
• Жагсаалтаас өөрийн сонгосон мэргэшил, төлбөрийн хэлбэрээ зөв сонгон хүсэлт илгээх товчийг дарна /Аймаг, Нийслэлийн ЭМГ-аас томилолт авсан тохиолдолд төрийн сангаар элсэх боломжтой/.
• Чиглэлээ сонгон програмаас цахимаар төлбөр төлснөөр хүсэлт баталгаажин ШАЛГАЛТ ӨГӨХ горимд шилжиж таны хүсэлт бүртгэгдэнэ. /төлбөр төлөөгүй бол хүсэлт илгээгдэхгүй/.
• Баталгаажсан чиглэлийг СОЛИХ БОЛОМЖГҮЙ тул сонголтоо зөв хийнэ үү.

Шалгалтын тов: Амжилттай бүртгүүлж, Шалгалт өгөх горимтой болсон эмчийн шалгалт өгөх өдөр, цаг, танхимийн хуваарийг шалгалт эхлэхээс 2 хоногийн өмнө http://hdc.gov.mn/ цахим хуудаст байршуулна.

Анхааруулах нь:

• Улсын төсвийн санхүүжилтээр суралцсан тохиолдолд тухайн захиалгат эрүүл мэндийн байгууллагад 5-аас доошгүй жил ажиллах гэрээ хийдэг. Хэрэв гэрээний үүргээ биелүүлээгүй тохиолдолд суралцсан хугацааны цалин, сургалтын төлбөрийг эргүүлэн төлөх, Эрүүл мэндийн тухай хуулийн 25.20.6-д заасны дагуу мэргэжлийн үйл ажиллагаа эрхлэх зөвшөөрөл хүчингүй болохыг анхаарах;
• Хувь зардал сонгосон тохиолдолд улсын зардлаар суралцах боломжгүй, улсын зардал сонгосон тохиолдолд хувь зардлаар суралцах боломжгүй;
• Анагаах ухаан, эрүүл мэндийн бусад чиглэлээр мэргэшүүлэх болон магистр, докторын сургалтад давхар элсээгүй байх;
• ЭМХТ болон АШУҮИС-ийн үндсэн мэргэшлийн сургалтын элсэлтийн шалгалт нэг өдөр, ижил цагт зэрэг эхлэх тул та бүртгүүлэх байгууллагаа зөв сонгох /бүртгэлд тулгалт хийнэ/.
• Үндсэн мэргэшлийн зөвхөн 1 чиглэлд бүртгүүлэх;
• Хэрвээ та өөрийн мэдээллээ дутуу эсвэл худал оруулсан тохиолдолд  бүртгэл баталгаажихгүй тул хүсэлтээ илгээхийн өмнө мэдээллээ бүрэн оруулсан эсэхийг нягтлана уу.

Дараах утас, цахим хаягнаас холбогдох мэдээллийг тодруулна уу.

• 11-461529 /Элсэлтийн шалгалтын бүртгэл, төлбөртэй холбоотой асуудлаар/
• 98142485 /Сургалтын чиглэл, бусад асуудлаар/
• credit@hdc.gov.mn /мэдээлэл шинэчлэх, нууц үг сэргээхэд и-мэйлд хариу ирэхгүй тохиолдолд программын Тусламж – Гарын авлагаас харна уу/

ТАНД АМЖИЛТ ХҮСЬЕ.

ҮНДСЭН МЭРГЭШЛИЙН СУРГАЛТЫН 2023-2024 ОНЫ ХИЧЭЭЛИЙН ЖИЛИЙН ЭЛСЭЛТИЙН ХЯНАЛТЫН ТОО, МЭРГЭШЛИЙН ЧИГЛЭЛ, СУРГАЛТ ЭРХЛЭХ БАЙГУУЛЛАГААР

Тайлбар:

1. 1. АШУҮИС-ийн хяналтын тоо ороогүй болно.
2. 2. *Тэмдэглэгээтэй мэргэшлийн чиглэлд 2022-2023 оны хичээлийн жилд “ЕРӨНХИЙ МЭРГЭШИЛ СУДЛАЛ” -аар суралцаж төгсөх эмч нарын бусад мэргэшлийн чиглэлд үргэлжлүүлэн суралцах хяналтын тоо багтсан болохыг анхаарна уу.

Үүнд:

            1. Арьс судлал-3

                                    2. Дотор судлал-14

                                    3. Дүрс оношилгоо судлал-16

                                    4. Мэдрэл судлал – 1

                                    5. Мэдээгүйжүүлэг судлал -2

                                    6. Хүүхэд судлал -3

                                    7. Чих хамар хоолой судлал -3

                                    8. Эх барих эмэгтэйчүүд судлал-5