Магадлан итгэмжлэгдсэн эрүүл мэндийн байгууллагын явцын үнэлгээгээр Эх, хүүхдийн эрүүл мэндийн үндэсний төв-д ажиллалаа

Эрүүл мэндийн байгууллагуудын тусламж, үйлчилгээний чанар, аюулгүй байдлын тасралтгүй сайжруулалтыг хангах зорилгоор Эх хүүхдийн эрүүл мэндийн үндэсний төвд магадлан итгэмжлэлийн явцын хяналт-үнэлгээ хийх ажлыг 2025 оны 11 дүгээр сарын 18-ны өдөр зохион байгууллаа. Үнэлгээг Эрүүл мэндийн сайдын 2023 оны А/412 дугаар тушаалаар батлагдсан “Эрүүл мэндийн байгууллагын тусламж, үйлчилгээний чанарын үнэлгээний арга, аргачлал”-ын дагуу албаны мэргэжилтнүүд болон магадлан итгэмжлэлийн үнэлгээний шинжээчдийн бүрэлдэхүүн хийж гүйцэтгэлээ.

Үнэлгээнд ЭХЭМҮТ-ийн удирдлагын баг, чанарын алба, тасаг нэгжийн эрхлэгч нар болон холбогдох мэргэжилтнүүд хамтран ажиллалаа.

Явцын үнэлгээгээр дараах чиглэлээр газар дээр нь тойрон үзлэг хийж нөхцөл байдалтай танилцав. Үүнд:

-Тасаг, нэгжийн зохион байгуулалт, үйл ажиллагааны тасралтгүй байдал

-Үйлчлүүлэгчийн аюулгүй байдлын шаардлагуудын хэрэгжилт

-Эхийн болон хүүхдийн тусламжид тохирсон, үйлчлүүлэгчид ээлтэй орчны бүрдүүлэлт

-Халдвараас сэргийлэх, хяналтын тогтолцооны хэрэгжилт

-Тусламж, үйлчилгээний чанартай холбоотой баримтжуулалт, стандартуудын мөрдөлт

- ЭМС-ын тушаал, журмын хэрэгжилт

Үнэлгээний явцад илэрсэн сайжруулах шаардлагатай чиглэлээр мэргэжилтнүүд газар дээр нь мэргэжил, арга зүйн зөвлөгөө өгч, тусламж, үйлчилгээний чанарыг сайжруулах талаар харилцан санал солилцлоо.